Туган тел
“Әллүки”челәр Уфаның 65нче Татар гимназиясендә булды.
Кичә без, “Әллүки”челәр, Уфаның 65нче Татар
гимназиясендә журналыбызны даими алдырып
укучы дусларыбызның уку яңалыклары, гимназия
тормышы белән таныштык.
3нче сыйныф укучыларының “Татар риторикасы” дәресе
башланырга гына торган чагы иде. Сыйныфка килеп
керүгә үк татарча “Исәнмесез!” дип сәламләп каршы
алуларына бер сөенсәк, балаларның һәммәсенең
кулында “Әллүки” журналын күреп, янә шатландык.
Өченчеләр сыйныф белән журналны алдыра, анда
басылган хикәләрне, шигырьләрне яратып укый,
башваткычлар чишә. Башка мәктәпләрдә укучы балалар, сәләтле яшьтәшләре турында да кызыксынып укый икән алар.
Татар теле һәм әдәбияты укытучысы Лилия Фаткуллина әйтүенчә, өченчеләр үзләре дә бик тырыш, актив. Берсе — каләм тибрәтә, икенчесе —матур итеп рәсем төшерә, өченчесе җыр-биюгә оста. Лилия Рәис кызы җитәкчелегендәге яшь хәбәрчеләр түгәрәгендә бик теләп шөгыльләнүчеләр дә бар.
Сыйныфта күпләр республика күләмендә билгеле “Ләйсән” фольклор ансамблендә шөгыльләнә. Җитәкчеләре Чулпан Мидхәт кызы сәләтле кызлар һәм малайларны төрле бәйгеләргә йөртә. Әлеге ансамбль һәм аның матур җиңүләре турында “Әллүки”нең алдагы саннарында танышырсыз.
“Әллүки” журналы Юлия Төхвәтуллина
"Этношимбә" үткәрелде
Мәктәпләрдә биш көнлек уку атналыгы кертелгәч, шимбә көннәрне төрле мавыктыргыч һәм мәгълүмати файдалы чаралар үткәрелә башлады. Ноябрь аендагы бу шимбә безнең гимназиядә, “Этношимбә” дип аталды. “Этношимбә” кысаларында тугыз төрле чара оештырылды. 4-5 нче сыйныф укучылары “Вектор” балалар иҗат үзәге белән берлектә, сумка һәм курчаклар чигеп, мастер- класс күрсәтте. 7а сыйныфында курчаклар тегү буенча осталык дәресләре булды. Шулай ук 6-7 сыйныф учылары рус, башкорт, һәм татар телләрендә диктант яздылар. 1-4 сыйныфларда халкыбызның милли бәйрәме “Сөмбелә” үткәрелде. Төрле ярышлар, милли бәйгеләр булды. 6 а сыйныфында “Калфак” милли баш киеме тегү серләренә өйрәнделәр. 7б сыйныфында рәсем төшерү буенча мастер-класс оештырылды. Ә инде 9-11 сыйныф укучылары арасында югары уку йортлары вәкилләре белән очрашып аралашу оештырылды.
Республика Башлыгы Радий Хәбиров: “Әлеге шимбәләрдә, чын мәгънәсендә, истә калырлык вакыйгалар булырга тиеш. Укучылар аны түземсезлек белән көтеп алсыннар иде. Чараларны кызыклы һәм мавыктыргыч итеп үткәрүне, укытучыларга гына аударып калырга ярамый. Анда балалар да, ата- аналар да актив катнашсын иде”,- дип билгеләп үтте.
Ел әйләнәсенә 8 тематик шимбә оештыру каралган. “Мәдәни шимбә” көннәрендә укучылар өчен театрларга, музейларга сәяхәтләр оештырылачак. Билгеле язучыларның әсәрләрен өйрәнү, шагыйрьләр һәм әдипләр белән очрашулар үткәрелү дә каралган. Ә “Сәламәт шимбә” дәресләре төрле стрессларга чыдамлылык, психологик тотрыклылык, сәламәт туклану һәм сәламәт яшәү рәвешенә багышланырга мөмкин
Конгресс-холлның концерт залында, Башкортстан халыкларының милли мәдәниятен чагылдырган балалар фестиваленең гала -концерты булып үтте.
Әлеге фестиваль, 2008 елдан бирле үткәрелә.
Мәдәни чара Республиканың 100 еллыгына
арналган иде.
Фестиваль барышында, 100дән артык балалар
иҗади коллективларының, 1500дән артык сәләтле
балаларының чыгышы каралды. Фестиваль
кысаларында, “Милли палитра”
дип исемләнгән, Уфа якшәмбе мәктәпләренең
9 экспозициясе оештырылды. Анда башкорт, рус,
татар, украин, әрмән, чуваш, поляк, мари, немец
халыкларының милли күргәзмәләре урын алды.
Уфа шәһәренең беренче, икенче Татар якшәмбе
мәктәпләре, Орджоникидзе районының “Дебют” татар
якшәмбе мәктәбендә эшләүче педагоглар, шушы
мәктәпләрд
ә шөгыльләнүче укучылар күргәзмә оештыруда катнашты.
Рәдиф Фәтхи
